ಅದೊಂದು ದಿನ ಶ್ಯಾಮ ಧಾವಿಸಿ ಹೋಗುತ್ತಿದನ್ನು ಕಂಡು - "ಏ ಶ್ಯಾಮ ಇಷ್ಟು ಆತುರವಾಗಿ ಎಲ್ಲಿಗೊಂಟೆ?" ಎಂದು ಕೇಳಿದೆ. ಇದೇನ್ಲಾ ಇಂಕೇಳ್ತಿ ! ಇವತ್ತು ಪರೀಕ್ಷೆ ಪಲಿತಾಂಶದ ದಿನ. ಅದಕ್ಕೆ ಶಾಲೆಗೆ ಹೊಂಟೀನಿ.
ಹೌದಲಲ್ಲೇ ! ರಜೆಯ ಮೋಜಿನಾಗ
ಮರೆತೆ ಹೋಗಿದ್ದೆ. ನಡೀ ಅಂಗಾದ್ರ ಇಬ್ರು ಜಲ್ದಿ
ಹೋಗಿ ನೋಡ್ಕೊಂಡ್ ಬರುಣ, ಎಂದದ್ದೇ ತಡ ನಿಮಿಷಗಳ
ಅಂತರದಲ್ಲಿ ಶಾಲೆಯನ್ನು ತಲುಪಿದೆವು. ಶ್ಯಾಮ ೮೨ ಪರ್ಸೆಂಟ್ ತಕ್ಕೊಂಡು
ತೇರ್ಗಡೆಯಾಗಿದ್ದ,
ನಾನು
೭೮ ಪರ್ಸೆಂಟ್ ತಕ್ಕೊಂಡು ತೇರ್ಗಡೆಯಾಗಿದ್ದೆ. ಮನಸ್ಸಿನಲ್ಲಿ ತುಸು ಬೇಜಾರಿದ್ದರು ಸಹ
ಹತ್ನೇಕ್ಲಾಸ್ ಅನ್ನು ಮೊದಲನೇ ಬಾರಿಗೆ ಪಾಸ್
ಆದೆವಲ್ಲ ಎಂಬ ಖುಷಿಯೂ ಇತ್ತು. ಕಾಲೇಜಿಗೆ ಹೋಗುವ ಆ ಸಂದರ್ಬವನ್ನು ಈಗಲೇ ಕನಸ್ಸು ಕಾಣ ತೊಡಗಿದೆ.
ಕಾಲೇಜ್ ಆವರಣದ ಬಗ್ಗೆ ಮನಸ್ಸಿನಲ್ಲೇ ವಿಧ ವಿಧವಾದ ಚಿತ್ತಾರ ಬಿಡಿಸುತ್ತಾ ಕಾಲ ಕಳೆದೆ.
ಕಡೆಗೆ ಕಾಲೇಜಿಗೆ ಹೋಗುವ
ದಿನವು ಬಂದಿತು. ಕ್ಯಾಂಪಸ್ಸಿನ ಆ ಮೋಜು ಆ ವಯಸ್ಸಿನಲ್ಲಿ ಹೇಳಲಸಾದ್ಯವಾದ ಸಂಗತಿ. ನಿಜಕ್ಕೂ ಅದೊಂದು ವರ್ಣಿಸಲಾಗದ ವಿಷಯ. ತಣ್ಣನೆಯ ಮನಸ್ಸನ್ನು ಬೆಚ್ಚಗಾಗಿಸುವ
ವಯಸ್ಸದು. ತುಂಟಾಟ ಮಾಡುವ ಮನಸ್ಸುಗಳಿಗೆ ನೆಚ್ಚಿನ ತಾಣ. ಆ ನಿಟ್ಟಿನಲ್ಲಿ ಕಾಲೇಜಿಗೆ ಹೋದ ಮೊದಲನೇ ದಿವಸ
ಬಸ್ ಇಳಿದು ಕಾಲೇಜಿನ ಕಡೆ ನಡೆಯ ತೊಡಗಿದೆ. ಬಸ್ ಸ್ಟಾಪ್ ನಿಂದ ಕಾಲೇಜಿಗೆ ೩ ಕಿ.ಮೀ.
ಅಂತರವಿತ್ತು. ನಡೆದು ಹೋಗುತ್ತಿದ್ದ ವೇಳೆಯಲ್ಲಿ ಎಷ್ಟೊಂದು ಹಾಳೆಗಳು ಗಾಳಿಯಲ್ಲಿ ಸಿಲುಕಿ
ನನ್ನತ್ತ ಬರುತ್ತಿತ್ತು. ಆ ಕ್ಷಣದಲ್ಲೇ ನನ್ನೆದುರಿನಲ್ಲಿ ಸುಂದರವಾದ ಯುವತಿಯೊಬ್ಬಳು
ನಿಟ್ಟುಸಿರು ಬಿಡುತ್ತಾನಿಂತಳು. ಅವಳನ್ನು ಕಂಡ ಆ ಕ್ಷಣವೇ ನಾನು ನಾನಾಗಿರಲಿಲ್ಲ. ಮೈ
ಮರೆತುಗಾಳಿಯಲ್ಲಿ ತೇಲಾದುತಿದ್ದೆ. ಅವಳು ಮೆಲ್ಲ ಧನಿಯಲ್ಲಿ "ಥ್ಯಾಂಕ್ ಯೂ" ಎಂದಾಗಲೇ ನಾನು
ಎಚ್ಚರಗೊಂಡಿದ್ದು.
ಕೈಯಲ್ಲಿದ್ದ ಹಾಳೆಗಳನ್ನೆಲ್ಲಾ ಅವಳಿಗೆ ಕೊಟ್ಟು
ಅಲ್ಲಿಂದ ವೇಗವಾಗಿ ತೆರಳಿಬಿಟ್ಟೆ. ಅವಳ ನೆನಪು ನನ್ನಿಂದ ಮರೆಯಾಗುತ್ತಿಲ್ಲಾ ಏಕೆ ? ಎಂದು ತಲೆ ಕೆದರಿಕೊಳ್ಳುವಾಗಲೇ
ಅವಳು ನನ್ನ ಕ್ಲಾಸಿನಲ್ಲೇ ಪ್ರತ್ಯಕ್ಷವಾದಳು. ಒಂದು ವೇಳೆ ಅವಳೇನಾದರೂಬರದಿದ್ದರೆ ಅವಳನ್ನು ಮರೆಯುತ್ತಿದ್ದೆನೋ ಏನೋ ! ಆದರೆ ಆವಳು ನಮ್ಮ ಕ್ಲಾಸಿಗೆ ಬಂದ ಕಾರಣ
ಅವಳು ನನಗಿನ್ನೂ ಅತ್ತಿರವಾಗ ತೊಡಗಿದಳು. ಕ್ಲಾಸಿನಲ್ಲಿ ಬೇರೆಯವರ ಪರಿಚಯ ಅಷ್ಟಾಗಿ ಇಲ್ಲದ ಕಾರಣ
ಅವಳನ್ನೇ ಮಾತನಾಡಿಸಲು ಆರಂಬಿಸಿದೆ. ಅವಳಿಗೂ ಯಾರ ಪರಿಚಯ ಇಲ್ಲದ ಕಾರಣ ನನ್ನೊಂದಿಗೆ ಬಹಳ ಆತ್ಮಿಯವಾಗಿದ್ದಳು.
ಹೀಗೆ ಕಾಲ ಕಳೆಯ ತೊಡಗಿತು.
ಅವಳೊಂದಿಗೆ ಆಡಿದ ಮಾತುಗಳು, ಕಳೆದ ಕ್ಷಣಗಳು, ಭೇಟಿಯಾದ ಸ್ಥಳಗಳು ಎಲ್ಲವೂ ನನ್ನೆದೆಯ
ಅಂತರಾಳದಲ್ಲಿ ಅಡಗಿ ಕುಂತಿದೆ. ಅವಳೊಂದಿಗಿನ ಆತ್ಮೀಯತೆ ಕಾಲೇಜಿನಲ್ಲಿ ಯಾರೊಂದಿಗೂ
ನನಗಿರಲಿಲ್ಲ. ಎಲ್ಲದಕ್ಕೂ ಅವಳ ಮೇಲೆ
ಅವಲಂಬಿತನಗುತ್ತಿದ್ದೆ. ಅವಳೂ ಸಹ ನನೊಂದಿಗೆ ತುಂಬಾ
ಸಲಿಗೆ ಇಂದ ಇದ್ದಳು. ನಮಿಬ್ಬರ ನಡುವಿನ ಸ್ನೇಹವನ್ನು ನಾನೇ ಪ್ರೀತಿ
ಎಂದು ಭವಿಸಿದ್ದೆನೋ ಅಥವಾ ನಿಜವಾಗಿಯೂ ಪ್ರೀತಿಯಾ? ಎಂದು ಈಗಲು ನನಗೆ ತಿಳಿಯದು. "ಅವಳಲ್ಲಿದ್ದ ವಾತ್ಸಲ್ಯದ ಮುಂದೆ ನನ್ನ ಪ್ರೀತಿ ನಿಲ್ಲಲೇ ಇಲ್ಲ." ಅವಳೂ ಸಹ ನನ್ನನ್ನು
ಪ್ರೀತಿಸುತ್ತಿದ್ದಳೋ ಇಲ್ಲವೋ ನನಗೆ ತಿಳಿದಿಲ್ಲ, ಆದರೆ ನನಗೊಂತ್ತು ಅವಳ ಮೇಲೆ ಅತೀವವಾದ ವಿಶ್ವಾಸ ಇತ್ತು. ನನ್ನ ಹಿಂಜರಿಕೆಯೋ, ಎದರಿಕೆಯೋ ಅಥವ ಮುಜುಗರವೋ ನಾನು ಅವಳೊಂದಿಗೆ ಈ ವಿಷಯವನ್ನು ಚರ್ಚಿಸಲೇ ಇಲ್ಲ. ಅವಳೆದುರಿನಲ್ಲಿ ನನ್ನ
ಮಾತೆಲ್ಲವೂಮೌನವಾಗಿಬಿಡುತ್ತಿತ್ತು.
ಆ ನೆನಪುಗಳು, ಎಳೆ ವಯಸ್ಸಿನಲ್ಲಿ ಮೃದು ಮನಸ್ಸುಗಳ ಆ
ಪ್ರೀತಿ ಇಂದಿಗೂ ಅತಿ ಮಧುರ. ನನ್ನ ಬಾಳಿನುದ್ದಕ್ಕೂ ಈಸವಿನೆನಪುಗಳು
ಸನಿಹದಲ್ಲಿರುತ್ತದೆ. ಅವಳ ಮನಸ್ಸಿನಲ್ಲಿ ನನಿರುತ್ತೇನೋ ಇಲ್ಲವೋ? ಆದರೆ ನನ್ನೆದೆಯಲ್ಲಿ ಅವಳಿಗೊಂದು ಜಾಗ ಕಂಡಿತ
ಇದೆ.
ಅವಳ ಮೇಲೆ ನನಗಿದದ್ದು ಕೇವಲ ಆಕರ್ಷಣೆಯೋ, ಸ್ನೇಹವೋ, ಪ್ರೇಮವೋ, ಯಾವ ಭಂದವೋ ನನಗೆ ತಿಳಿಯುವ ವೇಳೆಗೆ ನಮ್ಮ ಪರಿಕ್ಷೆಯೂ ಅತ್ತಿರ ಬಂದಿತ್ತು. ಕಡೆಗೆ ಪರಿಕ್ಷೆಯಲ್ಲಾ ಮುಗಿದು ಹೋದರೂ ಸಹ ನನ್ನ ಪ್ರೀತಿಯನ್ನು ಅವಳ ಮುಂದೆ ಇಡಲೇ ಇಲ್ಲ. ನಂತರದಲ್ಲಿ ಅವಳೊಂದು ತೀರಕ್ಕೆ ಹೋದಳು ನಾನೊಂದು
ತೀರಕ್ಕೆ ಹೋದೆ. ನನ್ನ ಪ್ರೀತಿ ಪ್ರೀತಿಯಗಿಯೇ ಉಳಿಯಿತು ಅವಳ ವಾತ್ಸಲ್ಯದ ಎದುರಿನಲ್ಲಿ.
ಎಳೆ ವಯಸ್ಸಿನಲ್ಲಿ ನಡೆದು ಹೋದ ಒಂದು ಸಣ್ಣ ಪ್ರೇಮ ಕಥೆ ಎಂದಿಗೂ ಅಳಿಸಲಾಗದೆ ನನ್ನ ಹೃದಯಾಂತರಾಳದಲ್ಲಿ ಅಮರವಾಗಿದೆ.
- ಜಿ.ಕೆ.
No comments:
Post a Comment